香港佛教殯儀

23萬做激光留黑斑

熟男美容變毀容

有 48歲熟男為「執靚個樣」光顧由女星劉心悠做代言人的雪纖瘦，共付逾 23萬元購買美容療程，惟接受激光療程後臉部留下深色黑斑，醫生診斷為皮膚燒傷，向雪纖瘦投訴拒絕受理，事主不憤美容變毀容。

原本任職倉務員的林先生2011年 8月欲轉文職，「我塊面有啲暗瘡印及色斑唔靚，怕老細唔鍾意，諗住執走咗先見工」。他原本到雪纖瘦欲試做 168元推廣價的彩光美容去斑療程，惟職員轟炸式推銷逾三小時後，最終簽卡及以易辦事付款，一次過購買了 18萬元激光去斑及護膚等美容療程及產品。

他半年內先後接受三次激光療程，發現臉上色斑轉成深色黑斑，「兩邊臉同額頭都有黑色一撻撻，職員話做完激光係咁，過一陣就會褪」。惟過了數月黑斑仍未消褪，他上月看醫生被診斷皮膚被激光灼傷，「醫生話黑斑係燒傷後嘅疤痕，幾年都褪唔到色，早知係咁唔做美容」。

林質疑受傷乃職員使用激光儀器不當所致，「做療程時職員係咁加強啲激光，我話好痛先停，每次做完塊臉又紅又腫。美容中心話係正常，仲�蠽琣A買多啲美容護理服務」。連同後加賣的 5萬元療程，他共花 23萬元，耗盡積蓄兼債台高築。他要求雪纖瘦賠償及退款被拒。

雪纖瘦回覆，林先生2012年 1月最後接受激光去斑，治療後並無異樣，至 2月底才投訴被激光儀器灼傷臉部，醫生證明則於 3月底才發出。由於事隔逾兩個月，難以證明其傷患由該公司療程引起，現正與林商討退款。

皮膚科醫生黎湛暉表示，激光去斑以高能量光束破壞皮膚內色素，會破壞病人部份表皮細胞令皮膚結痂，約七至十天康復。接受療程後面部紅腫屬正常，部份人皮膚出現黑印，數月才逐漸褪色。惟若因接受過量激光而被灼傷皮膚，有機會永久留下黑斑。黎又批評目前本港未有制度規管操作激光儀器的人士，「好多操作人員只係喺美容店入面接受培訓，方法未必正確」。